Dins no poéyi os avons ein-ne tchuriosité qu’al pass’ront inaperchue si o ne ll’explitchont point. El tchuriosité le, ch’est Ch’Carcan.
Il est étampi au mitan d’ech villache, au côté d’ech flot, dins ch’tornant qu’el grande rue (achteure rue d’el Ville) al foait avu l’rue d’Anmiens à un indront qui s’app’lont coère « el plache d’el Ville » in dix neu chint.
Ch’est don un abe : un tillu ; bié seur des tillus i èn’eu gramint in Picardie, à cminchi par cheux qui s’erdresschtent interdeux ch’puts pis ch’flot, des jônes niaflets qui foaittent ed l’ombre à no viux Carcan.
Ech tillu le i n’est mie comme és eutes tillus ni z’eutes abes ; portant, il eu des rachein-nes, un tronc, ein-ne plate, deux moégnons d’branque, pis à m’zure, il i pousse coère des feuilles.
Même qu’à l’fête ed Talmar in passant edzous s’feuillée on intind és essaims qui romionn’tent eddins por avande ech chuque qu’avu is foaittent leu mii.
Mais, si os l’ravisi miux, os voéri qu’sin tronc il est maousse, qu’ses rachein-nes als ersortent d’el terre comme un montitchule ; in r’béyant d’tout pris pis in s’z’afflatant, os r’martchri, pèt-ête, des étchettes ed ferraille intitchies dins ses abattis , ayi soin dé n’point épeuter chés canerds qui sont lanchis interdeux por couver leus us.
Ch’est alandon qu’os l’vri vos yux qu’os restri in étanque edvant sin toupion châflé d’nœuds.
Ah, cha r’sangne plus à ein-ne tête ed cheuchelle comme i èn’avont dins l’temps alintour d’ech flot, qu’à un coplet d’tillu !
Adon os vos diri : « ch’ l’abe le, i n’est qua même point ordinaire, pis i n’dont point ête estafitchi le qué d’pis chés dernières élections ! »
Bié’seur eq non ! nos ratatayons qui ll’ont planté is sont d’ l’avant à ll’heure chi, leus pauv ‘zos is sont matchis as' z’artèses, passque no tillu, d’apris chés diries d’chés viux, i dat’ront d’Hinry IV ; ch’est leus gins qui leus avoaittent déjeu raconté.
Henri IV , ech « Vert Galant » , pindant qu’i tâchont ed déteurper chés espagnols d’Anmiens qu’is otchuppoaittent in 1597, i s’ront v’nu passer ein-ne cope ed nuits ach’ catieu d’Talmar mon del Dame ed MONCHY, ein-ne intridgeante qu’éront été in ameur avuc un officii ed Philippe II d’Espagne : Hernand-Teillo-Porto- Carero governeu ed'Dorlins. (Doullens)
Ech tillu il éront-i été planté in l’honneur d’ech roéyal visiteu ? Cha s’ront ein-ne belle histoère…A m’zure no abe, il eu toflé jusqu’à pus d’trinte piids d’heuteur, fallont vir ech coplet qu’il avont dins chés longs jours i yeu coère seul’mint chinquante ans ! Por jugi d’es prestance ed sin temps, i feut r’lutchi chés cartes postales d’i y eu chint ans ioù qu’on aperchut d’zéfants ingrintchis d’sur ses rachein-nes, ed’vant ch’ puts, pis au côté ed chés cinsiis agvalés su leus bidets attlés à des cariots.
Ach ‘momoint d’el révolution, il éront ieu quasimint deux chints ans ; chés tayons is capernotoaittent dins chés soérées qu’leus parints is leus disoaittent tout bos à leu éreille eq des roéyalisses is y éroaittent été pindus in 1789 ou dins z’années suivantes.
D’apris chés tayons cha s’ront à coeuse d’chés pindus le qu’o ll’éront baptisii « Ch ‘Carcan ».
Cmint qu’o ne ll’eu point putôt baptisii « Ech Gibet » ? In attindant, tout lle i ieu ch’té un meuvais sort à no tillu ; ausson, cha foait un moné pus d’chinquante ans qu’o i ieu ach’milli ses rachein-nes por interrer ein-ne bastchule, pis, ein-ne pougnie d’années pus terd, o ll’eu étêté item Louis XVI pindant l’Révolution.
Mais i vit coère, i s’intête, os savi, un viux tillu affligi ch’est sacrémint tillache, surtout quat’ch'est Ch’Carcan d’Talmar. L’histoire du tilleul multiséculaire peut paraître séduisante mais il ne s’agit que d’une hypothèse, l’auteur de l’article hasarde une hypothèse alternative moins romantique mais plus vraisemblable, à savoir :
Cet arbre vénérable ne serait que bicentenaire, il aurait été planté en place publique à l’époque révolutionnaire comme arbre de la liberté. En effet, durant cette période, les arbres de la liberté, dans notre région, furent généralement des tilleuls (par opposition avec le chêne, qui était l’arbre de la royauté).
Dans cette configuration, notre tilleul n’aurait donc pas servi de gibet dans les années 1789-1795, il n’est d’ailleurs pas historiquement établi que des exécutions aient eu lieu à Talmas.
En revanche, on relève que le « carcan » était une pratique pénitentiaire infamante officialisée en 1719 et qui consistait à enserrer au moyen d’un collier de fer le cou de tout condamné à la réclusion, aux galères ou au bagne et à l’attacher à un poteau d’exposition en place publique.
Il était précisé qu’avant de subir sa peine, le criminel serait ainsi exposé pendant une heure aux regards de la population avec un écriteau placé au-dessus de sa tête portant lisiblement ses nom, profession, domicile, sa peine et la cause de sa condamnation.
Le carcan a été supprimé en 1832.
Que notre tilleul ait été planté avant 1600 ou à la Révolution, on peut présumer qu’il a effectivement servi de poteau d’exposition pour l’application de la peine du carcan, d’où son appellation dans la tradition populaire.